Skip to content
Carrer del Carme, 47. 08001 Barcelona info@onomastica.cat

L’aprovació del projecte de llei de l’aranès inclou tres articles d’onomàstica

La nova llei de protecció de l’aranès tracta l’onomàstica en els temres següents:

PROJÈCTE DE LEI DER OCCITAN, ARANÉS EN ARAN
Tèxte aprovat ena Comission de Politica Culturau deth Parlament de Catalonha (23.6.2010)

CAPITOL I
Principis generaus

Article 2
Lengua pròpria e lengües oficiaus

3. Er aranés, coma lengua pròpria der Aran, ei:
a) Era lengua d’usatge preferent de totes es institucions der Aran, especialament deth Conselh Generau d’Aran, dera Administracion locau e des entitats que ne depenen, des mejans de comunicacion publics, der ensenhament e dera toponimia.

 
CAPITOL III
Onomastica
Article 11
Toponimia
1. Es toponims der Aran an coma soleta forma oficiau era aranesa.
2. Eth Conselh Generau d’Aran ei membre nat des organismes competents en matèria de toponimia en Catalonha.
3. Era determinacion dera denominacion des municipis aranesi se regís pera legislacion de regim locau, qu’a de preveir era participacion deth Conselh Generau d’Aran enes procediments corresponents.
4. Era determinacion deth nòm des vies urbanes e des nuclèus de poblacion de tota sòrta correspon as ajuntaments aranesi. Eth Conselh Generau d’Aran a de participar, d’acòrd damb era norma aplicabla, enes procediments relatius ara determinacion des nòms des vies interurbanes que transcorguen per Aran.
5. Es vies que transcorguen per Aran, damb independéncia dera administracion titulara, s’an de mercar d’acòrd damb eth Conselh Generau d’Aran.
 
Article 12
Antroponimia
1. Es ciutadans an dret a emplegar era forma normativaments corrècta en aranés des sòns nòms e cognòms.
2. Es persones interessades pòden obtier era constància dera forma normativaments corrècta en aranés des sòns nòms e cognòms en Registre Civiu, pera simpla manifestacion dera persona interessada, d’acòrd damb çò qu’establís era legislacion.

Back To Top